曬太陽

肥波走了第二天
我依然很掛念她、擔心她
早上起身感到十分的空虛
因為早2日我牙唔刷面唔洗第一件事係睇肥波
宜家咁,卻令我唔知做咩好

今日陽光很好
特然想抱抱肥妹到SOFA走走曬曬太陽,呼吸新鮮空氣
這隻傻妹永遠都係開心樂觀寶寶
有得玩就係第一,連媽媽都可以唔理
睇住肥妹係SOFA走黎走去,周圍探索
諗起原來我未試過放肥波出黎SOFA行
唉......

送給我愛的肥波

這兩首聖詩送給我愛的肥波
彩虹下的約定
http://www.youtube.com/watch?v=bf_VLcRSNug
雲上太陽
http://www.youtube.com/watch?v=lmWdhx_edF4

對不起，其實我騙了大家

肥波其實係今朝先走
我琴日向大家講佢走左啦,係因為唔想大家為佢傷心難過(她支持了兩日)
真係好對唔住，我騙了大家
希望大家能夠諒解我

‎25/2/2011 凌晨
發現她進入彌留的狀態
我抱著她說了很多很多話
這隻傻豬仔好像聽見我的話
用盡她的力撐開眼望我
⋯⋯有幾次更用力想爬更緊我身邊
她更用力的咬了我一下,好像要跟我道別一樣
這晚我不想睡
我很怕她會在我睡的時候離開
結果我陪她到三點多...我太累了,睡著了

25/2/2011 早上
這隻傻豬仍然在死撐
看著她小小的身軀一下一下的心跳和呼吸
看著她想嘗試吃,但吃不到
看著她沒有力開眼了,但仍然想爬到我身邊
我摸著她同佢講：傻豬仔,你辛苦啦，我知你唔捨得媽咪，但你安心咁走啦，唔好掛住媽咪，我永遠都咁愛你
這時我的心真的很痛很痛，而且很難受
看著她受苦，自己卻愛莫能助

26/2/2011 凌晨
她的情況更差了
連想走近我的力都沒有了
看著她的心跳一下比一下的急速,小小的手在抖震
我知道她應該差不多了
我抱著她哭，說：不要再死撐落去,媽媽知你乖，想陪住媽媽，但係我見住你咁樣我真係好難受，好心UP,你乖乖地安息啦，唔好唔捨得媽媽。你係咪仲掛住以前既主人(肥波係我領養返黎)，我冇辦法搵到佢黎見你啦，但我知道如果佢見到你咁，佢都一樣會好心痛，你乖啦，安心咁去，唔好再撐落去
我放她回籠裡的小屋，因為我知道她不捨得我，所以不肯走
三點多，我回到我的房間
我睡不著,我哭了

26/1/2011 早上
發現這隻傻豬走了
小小的身軀沒有了溫度
此時，我沒有哭
因為我知道她累了,支持不下了
她走了是一種解脫

26/1/2011 中午
我把她安葬在一個花圃中
雖然今天陽光充足，但我的心卻陰雲滿佈
我沒有哭，一下一下的慢慢把泥挖開
把傻豬仔埋在泥中
回到家中，我哭著把她的籠子清空了,把一件又一件的玩具洗淨,把水樽和不要的東西都拋到垃圾桶內

 

回憶

多謝各位既關心支持
雖然宜家諗起就會喊
但我會加油努力,支持落去

願肥波在天父爸爸懷抱中開開心心做一隻可愛肥白既寶寶
願佢係上面搵到朋友仔
不要再擔心媽媽,REST IN PEACE
媽媽永遠都咁愛你
永遠都會記得肥波肥嘟嘟白雪雪冇背線

唔鐘意比人抱
鐘意食瓜子NUTS
食菜鐘意食幹多過葉
痌WEWE唔鐘意有墊材係底......
好多好多一齊既時刻,我通通會記住

讓我地回顧一下肥波可愛既樣子















P.S.
肥妹好似知鄰居肥波走左,知我唔開心,佢呢2日都好乖,冇嘈住扭我抱佢出黎玩
肥妹呢一刻成為我唯一依靠了...

這隻堅強的傻豬走了....

佢真係好堅強,死撐撐左好耐
我一直陪佢陪到三點,
我太累了,只好放返佢係籠入面
直到今朝,我起身發覺佢走了...
我愛你肥波
媽媽真係好愛你
媽媽知你好乖,你唔捨得走,想陪住媽媽,所以一直撐
但係媽媽知你好辛苦,你安息啦
以後唔駛再撐落去啦,唔好掛住媽媽
媽媽永遠都咁愛你

肥波...彌留中

24/2 7:16:40 PM
肥波彌留中
24/2 8:34:26 PM
佢唔捨得走,死撐緊
我同佢講左放心走好多次,但佢用哂力撐開眼仔
岩岩仲几次用力爬黎我面前
我睇得出佢好累,佢咁樣我好難受
24/2 9:52:37 PM
眼已沒有力開,但仍有心跳
佢好堅強,但我睇住佢咁,我真係好辛苦好難受
眼已喊到紅腫
25/2 12:59:24 AM
到宜家佢仲頂緊...
佢好似知自己就唔得
岩岩佢係我手係咁要走,係都要爬返入籠
所以我放左佢入籠
之後佢就入左屋仔,爬係度
眼冇開
但見佢個身仲有郁動(心跳和抖氣的動作)
我心真係好難受
點解佢要避開我?
佢係咪怕我會傷心
25/2 1:29:36 AM
雖然我好眼訓
但我真係唔想訓..
我怕我訓佢會離開我><

肥妹食糊糊的小秘密

肥妹好鐘意食糊糊嫁
每次聽到鐵匙梗同膠兜仔係開糊糊碰撞既聲,佢都會好開心好快手咁落黎門口

等我開門餵佢

其實佢有個食糊糊既小秘密
就係!!!!!!!!!!
佢鐘意自己LUM匙梗幾啖,之後要我摸摸佢同埋佢會去跑幾下轉轉

再返上屋仔,又沖落黎門口
之後用匙梗餵佢唔會食嫁,佢係我要我手指慢慢點D比佢LUM
佢就會LUM哂等你再點,直接食哂為止(姐係個梗同個兜都乾乾淨淨)
好過癮嫁

次次都冧死我>3<

廚紙狂 Papertowel-holic

肥妹一有廚房紙就會發哂癲
先將所有紙塞哂落口再搬返屋仔
一張都不能少
塞埋到個口滿哂

肥波,我愛你

上一個POST,肥波2張未訓醒相嚇親各位哥哥姐姐添
真係好對唔住,令大家擔心
同時都多謝各位,因為你地表示擔心即代表你地都錫錫肥波

其實上次2張相肥波係未訓醒呢
佢近排日日都精神好好,食好多糧同harrison
仲玩轉轉添
所以唔駛擔心呢隻肥豬仔啊





我同肥波再一次多謝各位哥哥姐姐既關心

肥波懶豬樣 Vs 肥妹精靈樣

肥波好懶呀,食菜唔開心,仲要係屋門口食,出少少都唔肯
同埋我發現~佢原來鐘意食菜心莖..

食飽抹抹嘴

而肥妹呢我叫佢,佢一支箭跑落黎(真係好快!.!)
係度望黎望去
我一心諗住餵佢食菜,所以比塊菜心葉佢,點知佢一啖都冇咬過
仲爬左上我隻手左望右望,好似搵緊D咩咁
之後我拎左平時開糊糊GE匙梗出黎
佢即刻望住隻匙
HAHA~我知啦今次~佢原來想食HARRISON,所以連菜心都唔要
於是我放返佢入籠,開糊糊
一打開門,佢就好似非洲D飢民咁,2隻手仔扶住隻匙係咁LUM
我見佢,佢食得好開心呀,仲食哂成隻匙梗GE糊糊
連梗背都唔放過
真傻豬黎~

↓一開門就飛奔過黎,以為有糊糊食











↓匙背都要LUM埋



↓LUM到乾乾淨淨

肥妹真係真係愈大愈可愛
成日擺出個可愛樣等我抱佢出黎玩
睇佢個樣真係暈哂大浪,明明自己好忙都放低手上工作去抱佢呢

肥波近況

肥波近日精神唔錯
肯食野,肯玩轉轉
做主人既我都放心

玩完返屋仔訓覺LU~


我冇用緊木屋係因為肥波唔鐘意木屋訓,寧願訓街
再加上佢張畫毛床仔比佢咬到爛哂
為免佢食左D毛球落肚,所以張床仔棄用左LU

我日日都開電暖墊再加大量廚紙,2張畫毛布蓋籠,應該夠暖既