熊太仔之小小紙品藝術家

仔仔岩岩1點幾訓醒第一時間既係食野同埋搬紙!!
21CM轉轉佢冇理到-.-"(可能佢未習慣)
仔仔搬紙個樣傻得黎又可愛
無論肥波又好,肥妹又好,熊太B又好,佢地真係好鐘意搬紙架姐
不過熊太仔又幾有心思
整到D紙一粒粒
學SAMMY話齋,係一個小小紙品藝術家,哈哈

搬完紙之後,仔仔又再次訓覺lu
訓到反哂肚仔,突個大PATPAT同天線尾仔出黎

高床軟枕
咪就係咁解囉

Sanko Wild 21CM超靜音轉轉&出街用的箱

琴晚係FORUM見到網友話21cm轉轉返左貨
今日梗係第一時間沖去買啦
嘻嘻,熊太BB有21cm玩啦^^
買左返黎
第一時間用濕布抹抹
之後就請爸爸係箱度開窿,上個轉係箱度
咁就唔駛怕呀仔跑個轉跑到移位啦(之前17CM用架,仔仔玩到個轉CUP左落黎==")

因為個時佢未訓醒,我抱左佢去新買既龜箱等,
放返仔仔入箱之後,可能因為佢太眼訓,佢好似對個21cm冇咩興趣
所以跑左幾下就落返黎,食野,
之後就返左屋仔訓覺豬lu
等佢夜d起身玩個陣先再影熊太與21cm既相同片啦

呢個就係新買既龜箱
夠哂大,擺貓頭屋加埋食物碟落去都冇問題
28 X 17.5 X  16.5CM
以後帶熊太出街就用呢個箱啦~

我都有爸爸咁令仔架

仔細睇睇熊太仔D毛毛
原來仔仔同爸爸有得揮架
一樣咁蕭灑架
身仔近屁屁位仲有幾條金啡色長左出黎,超型仔

呀仔真係大得快
個水樽咁快又要較高D
等佢飲得舒服D,唔駛烏低頭,扭住飲

眼望望

岩岩仲幫仔仔磅左重,有76g

第1日帶佢返黎(25日大):53g->第6日(滿月):58g->第13日(1個月零7日):76g

仔仔真係快高長大

媽媽愛你>3<要健健康康啊

熊太B眼訓樣

今日抱左熊太出黎行一陣
之後放返佢入去
佢就恰眼訓
趴係轉轉架下面
個樣眼訓得黎又可愛>m<

熊太：媽媽你影我訓覺個樣好衰架!哼哼,我就比個PATPAT你影

肥妹仔之我都識電眼同chok樣

肥妹仔話比我知,佢都識電眼同chok樣~哈哈

睇下佢點樣電人同chok先

首先電下先

之後黎返招chok樣

chok樣王你輸了!!

哈哈

熊太的箱改良版

經網友們既意見
熊太既箱改良左啦
個頂開大左個窿
宜係2邊開左一排窿仔
同埋係箱身都開左窿仔
咁樣應該冇咁焗啦^^

熊太仔仔走佬

今朝無啦啦俾人拍醒,話熊太走左出黎去左廚房,係洗衣機後面唔肯出黎,捉唔到佢

嚇到我啦啦冧去廚房捉返佢,

隻傻熊豬聽到我叫佢個名就頭嶽嶽,又唔行埋黎

於是我出動燕麥片,佢就俾我引左出黎,然後一手捉住佢

睇哂手腳冇問題就放返佢返去

一返去熊太就飲水同食野

之後就返屋仔訓覺

唉,估唔到呀仔岩岩先1個月零3日都咁快偷走,真係曳曳

我暫時諗到有2個原因去解釋熊太仔會爬到出黎

第1係蓋箱既畫毛布

事源我麻麻起身,見到熊太好嘈,於是去睇,見到佢玩緊轉轉

於是冇理到佢

到我比人拍醒話熊太走左個陣,我發現熊太個箱塊布有半角跌左入個箱

所以熊太爬布上黎

第2係爬水樽上黎

因為咁,我岩岩整左個網落去個蓋

咁就可以防止熊太再次走佬

傻得可愛的熊太BB

岩岩見到熊太睡眼惺忪由貓頭屋走去食物碟拎左粒MARZURI
之後捐左入管管中間的位置
食MUMMUM
我拎起佢條管,佢仲未知,仲係度食緊



































好可愛呀
到我放返條管入去
佢仲食緊
不過冇幾耐,佢就訓著左LU
身旁仲有粒MARZURI陪伴

嘩,大龍熊躉呀

斯文與Wild

岩岩餵肥妹仔同熊太食(無落油)炒蛋
2位寶貝仔既食相令我諗到呢篇文章既標題
就係斯文與Wild
究竟邊個係斯文,邊個係wild,有冇人估到呢
睇完相同片你就會知
哈哈

先睇肥妹仔

肥妹仔：我捉實你，唔駛止意走佬呀.\/.

肥妹仔：咬死你咬死你咬死你....

肥妹仔：嘻嘻，好味道，都話你走唔出我手指罅

至於熊太仔仔就食得好斯文

可能因為佢仲怕羞同埋未訓醒啦

未開始拍片個陣,仲見到佢打喊路(好大個口呀@o@)

可惜我影唔切啦

不過我相信之後仲有大把機會





熊太回家的第六天

第六日...
熊太愈來愈大膽
用手餵野手比佢,佢會用手仔推我手指走
仲有幾次佢咬轉轉架,咬到個轉轉拍一聲訓低左
好在佢係後面咬,個轉轉就向前訓低
唔係就一係打到佢,一係困住佢
仲會爬高高
適應環境之後就開始曳曳啦

食野方面,佢真係好叻仔
MAZURI先先食哂
之後食OXBOW同燕麥片
飲水就日日都飲(坐係電腦前面成日聽到熊太既飲水聲)

屎屎就粒粒都大大條,黑蚊蚊,好健康
尿尿都唔少
可惜佢似乎未太熟廁所
一時就係廁所痌,一時係貓頭屋痌
好在熊太唔會蚊墊底個張紙
所以我只需要DUM左D紙,再拎起底紙,用濕紙巾抹抹,再換新底紙,就換好哂
當然隔幾日都一樣會成個箱洗

今日仲幫佢磅重,比佢黎個日重左5g,姐係宜家熊太仔仔有58g啦

肥妹愛小麥胚芽糊糊同抱抱

肥妹仔最鐘意食小麥胚芽糊糊
同埋比我抱抱
次次抱抱佢都會郁都唔郁定哂型
反而其他人抱就會雞咁腳咁走
真係撒嬌王黎架
不過我就係愛佢咁爹 o(~^O^~)o

係我手上食杏仁^v^

熊太回家的第五天

今日係熊太回家既第五天
熊太仔仔似乎適應屋企既生活
我伸手入去,佢無再狂奔啦
所以今日幫佢洗白白
洗完白白
我就坐左係梳化放佢係手同佢玩行樓梯
佢都好乖乖,冇話跳走
玩左一陣我抱返佢返箱
餵南瓜子,佢就企定定接黎即刻食,冇話走返屋仔先
仲有今日餵糊糊,佢終於肯食啦:)

熊太仔仔好有心思,將廚紙整成一粒粒

新管管+熊太回家的第四日

今日終於係MINIZOO度買到一SET既WILD管啦
當然要公平2個BABY都有啦
藍色的就係今日買既:)

熊太BB出沒，請小心(電暈)!!! XD

睇下熊太BB既超級飛毛腿幾利害

原來熊太唔揀食架

MAZURI,OXBOW佢樣樣都咬D

真係叻仔