2011年的最後一天WITH肥妹&熊太

話咁快又到2011年既最後一日
回顧返呢年,真係發生左好多事
例如肥波既離去,熊太既加入,熊太同肥妹一日一日既長大,肥妹腳仔受傷康復..
興幸有肥妹同熊太既相伴
每日同佢地換紙餵零食放風,一點一滴都係開心既經歷,寶貴既回憶
佢地亦係我努力返PARTTIME既動力(賺錢買好野食/玩比佢地)
願黎緊2012年一樣,同佢地開心健康過每一日 :D
日日都餵dd harrison比肥妹,等佢可以肥返少少,有D肉過冬
好在佢都有肥到:)

開多左就梗係比肥熊LUM下

食完發呆

食飽飽眼訓豬....

熊太之抱抱啦

熊太呢排活潑好多，十點零十一點就會企高高等媽媽抱出黎玩
如果唔抱佢，佢就會曳曳咬膠盒邊同管管，煩到你比佢出黎為止

唔彩佢佢就會走上轉轉行兩下又走返上屋頂／龜龜頂企高望

Christmas is coming

聖誕又到啦,梗係要同仔仔女女影聖誕特輯記錄呢個happy moment啦
今年影相道具同上年差唔多,但其中一個主角變左係熊太,而肥妹第2年成為主角鼠啦
祝大家聖誕新年快樂,鼠鼠健康活潑

用左整相app既LOMO-FI效果

估唔到4S影相都咁得:)

熊太仔之我要我要我要

熊太仔要食芝士囉~

通通收在口裡,樣子多滿足~

熊太仔之暖暖的

因為前排好忙冇咩時間打BLOG同UPLOAD相
所以差D MISS左呢個POST D相同片:P (係28/11晚影的)

可能比張FLEECE包住好暖啦,所以熊太仔乖乖咁係FLEECE入面等我汁好佢屋企

肥妹受傷記

5/12晚,如常幫肥妹換墊材加糧
發現肥妹左手紅腫仲無左毛毛
心知不妙,一定係整親
即時收起轉轉
等待早上診所開門即時打電話預約

6/12 上午8點半,我起身再睇下肥妹手仔情況如何,發現一樣都係紅腫
等到9點立即打去大圍BOOK,因為我同姑娘講想盡快睇
於是姑娘安排左睇11點DR Zoltan
我收線就即刻換衫,準備出街既野就出門口

肥妹沿途都好乖好安靜,無跳黎跳去,搭MTR個陣仲訓著左
所以我都安心d (因為佢好細膽呢)

遲左5分鐘到診所,但都係一樣要等
等既期間,姑娘話要幫肥妹影相MAKE RECORD
肥妹就係個箱入面行黎行去,姑娘就揸住DC追黎追去(呢個場面幾搞笑下)
見到咁既情況,我就提出不如我抱起佢啦,抱起佢會定D
一抱住肥妹,佢就好定咁趴係我手上:)

等左一陣,終於到肥妹睇啦
姑娘問左D肥妹既基本問題(飲食,住,屎尿等等)
然後醫生就入左黎幫肥妹檢查 (期間姑娘同醫生都讚肥妹好可愛好靚女:) )
醫生話見到肥妹左手明顯紅腫,有可能係骨折/軟組織受傷
有2個方案可以揀,1係開消炎止痛藥等佢食完睇下有冇消腫(但呢個方法只適用於軟組織受傷,骨折既話冇用)
1係照X-RAY先知係骨折定係軟組織受傷,再諗方法(但照X-RAY要先麻醉才進行)
我當時諗到肥妹都已經1歲半有多,麻醉風險大,所以話揀方案1,姑娘就出左去開藥
姑娘開藥期間,我再諗左清楚D,照X-RAY始終會清楚發生咩事...
於是姑娘返黎個陣我話:都係照X-RAY啦...但係我想問麻醉風險係咪比較大,因為肥妹年紀都唔細..我擔心...
姑娘就同我解釋話麻醉係一定有風險,但佢地會用氣體麻醉,所以風險比傳統既低
之後佢講解價錢同埋當中既條約,就比左份野我簽..當中有句係:緊急情況時,同意/不同意進行搶救(呢句令我諗左好耐...亦令我更加擔心)
簽完名就出左COUNTER比左$1330(基本診金+每日住院費+X-RAY+藥物)
姑娘就同我講下晝3點半先接返佢

我一個人無所事事搭左一個站去左沙田
心諗行街時間應該會快過D...
因為我擔心肥妹既傷勢,擔心佢支唔支持到麻醉,所以覺得等既時間真係好漫長
等等到3點,我起程前往診所,3點20分已經到達診所
一到診所,我同COUNTER既姑娘講黎接返肥妹,然後佢就叫我坐住等
突然間有個姑娘開門叫:鼠鼠
診所又得我1個,我就以為係叫緊我
於是我問:唔該,係咪倉鼠?
姑娘:係
我飛奔入去診症室
點知入到去,個姑娘問我,你隻鼠鼠咩事架?有冇帶佢黎睇?
我:下?我擺左隻鼠鼠係度照X-RAY喎,我黎係接返佢
姑娘:唔好意思,搞錯左,未到你
我又出返去出面等
等到3點45分,有個姑娘出左黎:你係咪接肥妹?佢完全醒哂,仲自己食緊糧.不過醫生忙緊,要等多陣先到你
我再等,終於到我啦
我第一時間飛入去
睇到肥妹眼仔碌碌好精靈,當堂安心dd
之後醫生拎左6張有X-RAY相既紙出黎比我睇,再同我講解
話睇唔到骨折,所以應該係軟組織/肌肉受傷,食消炎止痛藥應該會好返
但如果神經線受傷既話,D藥就幫唔到,因為神經線受傷唔會好返
聽完醫生咁講,我再安心dd..因為起碼唔係骨折
咁醫生問有冇野想問
於是我問點解肥妹手仔會冇哂毛毛,佢就話應該係因為肥妹手痛所以LUM手LUM到冇哂毛
之後姑娘同我講點餵藥同埋叫我7日後帶肥妹返去覆診,就送我同肥妹出左COUNTER
出到COUNTER,我因為太緊張,一拎左藥就走,唔記得左MAKE APPOINTMENT呢-3-

返到屋企安頓好肥妹,肥妹就乖乖咁訓覺
到夜晚我餵肥妹食第一餐藥
肥妹好乖食藥,一見針筒就LUM,所以我借機支入佢口

7/12 早上8點半,餵第二餐藥
肥妹依然係好乖主動食藥,仲咬個針筒,示意我快D比佢食??

食完藥之後,我比左粒杏仁肥妹做獎勵
個傻妹一見杏仁就好開心咁食:)
食量屎尿一齊正常,精神仲好好
仲有手手比6號冇咁紅腫
所以我都冇咁擔心啦

因為暫時沒收轉轉,玩具,肥妹只有廚紙相伴
所以我都比多D紙佢,等佢有得穿黎穿去,娛樂下:)

依然係好8掛,一有人佢就企起身望

仲走黎走去=3=

熊太仔

天氣冷,熊太更懶
日夜大部份時間都躲在閣樓唔出黎
有時更懶到係閣樓尿尿,再訓係上面
真係比佢激死

肥妹

肥妹不怕寒冷大風，跑得很快唷!^_^

懶懶熊太

從前有個小朋友,佢好懶,懶到日日只係食同訓
連洗白白都訓覺豬
所以肥到...
你睇下佢手仔幾粗XD

媽媽:起身啦,懶豬仔

熊太:好眼訓喎

一放返箱,有NUT食,就醒神哂

仲變左大大力既熊太豬

熊太屋企MODIFY好啦

條管由上面過

頂頂改為用格仔網+長尾夾,以防走失同埋通風D

仲有塊亞加力膠板防止熊太ZIP轉轉上黎,爬格仔:)

紮紮跳的肥妹

肥妹永遠都紮紮跳冇時停
玩轉轉既時間唔係限定係夜晚
而係24小時除時都玩

睇見佢咁活潑
做媽媽既我都好安慰
願肥妹健康平安

跑到轟轟聲,隻轉同個箱都震哂