肥波的新大貓頭屋

因為之前唔小心打爛左肥波心愛ge粉紅色吉豬島大貓頭屋，所以多日黎都不斷搵，諗住買過間比肥波，可惜行左好多好多間吉豬島都冇.對唔住，肥波
結果琴日行Q-PET見到有20蚊ge大貓頭屋,即刻買返個黎頂住檔先

岩岩放間屋仔落去，肥波就第一時間踢哂D廚紙出黎,之後繼續訓街

好可愛的肥波好似知道我影緊佢咁，伸個頭出黎

訓著左覺.....Zzzzz

P.S. 係同一間鋪頭，我仲買左個水樽
返到屋洗乾淨擺企係度吹乾
到今日見佢乾左就入水落去，再掛係個籠度
之後我就返出去開電腦做ASSIGNMENT
點知........當我再入返去睇下肥波肥妹時，發覺個新水樽竟然漏水!!!!!仲漏左半個水樽ge水出黎，搞到D木槺濕哂...要放低手頭上GE工作執手尾
正醒起可以拎去換ge時候，就發覺琴日個店員冇比到單我
唉...又哂左15蚊....